ORANJESTAD (AAN): Ta increible loke ta sigui pasa na Aruba, siendo cu tin borchi poni pa “No Tira Sushi”, poco panort di sero di Hooiberg, net den bista di turistanan.
Djis mira con hende cu mente putri ta daña nos medio ambiente, sin preocupa cu e futuro di e isla, y e bienestar di nan propio yiu y nietonan den futuro.
Corda cu hopi di e materialnan aki lo dura hopi prome cu nan ‘degrada’ den naturaleza, pues pa un eternidad nan lo keda eynan como un showcase di e mentalidad di algun hende riba e isla.
Un unidad di Polis tambe recien a skirbi esaki den nan rapport, y a pasa esaki den scochi di nan Hefenan cu e speranza cu algo por wordo haci, cu e.o. yudanza di Bureau City Inspector. Pero manera por mira riba e potret aki, e situacion a empeora. Awor ta hasta un lessenaar completo a aparece eynan di anochi pa mainta.
Kico lo costabo di core bay te na Dump di Parkietenbos pa asina deshaci di dje?
