Prome Ministro Eman y Ministro Cicilia a bay check Parke Arikok

ORANJESTAD (AAN): Siman pasa durante observacion di ‘Dia di Park Rangers’, tanto Prome Ministro Mike Eman y Ministro di Turismo Wendrick Cicilia a bay bishita Parke Arikok.

   Aki a wordo ricibi door di Tyson Lopez, kende ta CEO di Aruba Conservation Foundation cu awo ta encarga cu e Parke.  A topa claramente cu diferente Park Rangers, y a felicita nan riba nan dia.

   E bishita aki a encera tambe cu a haya recorido di e Visitor Center, y despues a pasa bay mira e atraccionnan di e Parke, y hasta topa cu algun bishitante.  A bay na e cuebanan unda a mira pinturanan di Indjan, na e Cas di Torto, y haya detaye di varios mata cu tin eyden.

   Parke Arikok ta cubri 18 porciento di e isla, y cu 34 kilometer cuadra di area di naturaleza, e ta sirbi un funcion importante di conserva e parti aki di naturaleza pa futuro generacion di Aruba por disfruta di dje.