Multitud di hende presente na Ling & Sons pa lansamento productonan di Wild Fork

ORANJESTAD (AAN): Riba Diasabra, Ling & Sons cu hopi fanfaria y cu interes grandi di public, a lansa “Wild Fork”,

cu ta un programa di carni congela (‘frozen’) di Merca.  Nan ta obtenibel di forma exclusivo na Ling & Sons, y pa awor Aruba ta e unico den Caribe, cu ta pafo di Merca cu a haya esaki.

   Wild Fork ta diferente na otro carninan fresco, pasobra nan ta uza e asina yama ‘blast freezing method’, cu ta haci cu e producto ta mantene no solamente e nutrientenan, sino tambe e sabor optimal.  A compronde cu pesey nan ta uza e lema: ‘Frozen is Fresher’, pasobra realmente e ta mantene e nutrientenan y e sabor mihor cu carni fresco.

   Ling & Sons su freezernan tabatin hopi variedad pa amantenan cu ta gusta cushina, y e carninan aki ta calidad di restaurant di nivel halto.

   Pa Aruba, lo bay tin 85 producto y ta enfoca riba carni, aunke Ling & Sons tin tambe galiña organico y alimenta cu yerba (‘grass fed’), como tambe productonan premium manera Tomahawk Steak, New York Strip Steak, Tenderloin Steak, tin tambe cosnan pa bo cushina facil manera Ground Beef Fajita.

   Paden di Ling & Sons por a admira e productonan nobo aki, y pafo tabatin Barbecue diferente di e productonan di Wild Fork, pa tur esnan cu a pasa y purba esakinan.