Centenares di mucha di Hospi Bondi Camp a goza di ‘Electra Discovery Tour’

ORANJESTAD (AAN): E ta birando un gran hit durante vakantie di scol e lunanan aki.

  E compania di electricidad NV Elmar ta hibando un experiencia educativo interactivo na kids camps rond di Aruba, caminda educacion y diversion ta topa den un manera inolvidabel.

  Cu un vibe yen di energia y curiosidad, e muchanan por interactua cu electricidad den 4 stations: (1) Wega electrico: pa compronde base di circuito y fluho.  (2) Scucha kabelnan bou di tera: pa siña riba mantencion y seguridad.  (3) Subi riba un bucket truck: pa biba con ta traha riba liña di coriente. (4) Blaas di Elmar: Pa inspira e futuro tecniconan cu un regalo special.

  Electra Discovery Tour lo continua su recorido den mas kids camps rond di nos isla, e siguiente ta programa na YMCA San Nicolas pa finalmente cera cu un experiencia unico na ELMAR Oranjestad.

Masha danki pa invita Elmar. Un gradicimento special tambe na Elmar su Team di Grid Quality Management pa nan dedicacion na e proyecto aki.