Prome Ministro a duna pabien na Felicia cumpliendo 94 aña

ORANJESTAD (AAN): Den fin di siman tabatin un fecha special, cu Prome Ministro a dicidi cu ta importante pa e bay felicita un dama importante.

   El a bay bishita señora Felicia Koolman, kende a celebra su 94 aña di bida. Tabata un momento bunita pa comparti personalmente cu Señora Koolman, felicit’e cu e fecha tan special aki y desee hopi salud, alegria y bendicion hunto cu su sernan keri.

   Nos adultonan mayor ta carga un rikesa grandi di experiencia, historia y recuerdo. Cada encuentro, ta un oportunidad pa aprecia e generacionnan, cu nan trabao y perseverancia, a contribui na e Aruba cu nos conoce awe.  Señora Felicia, pabien cu bo 94 aña.