Prome Minister Dick Schoof a reuni cu Prome Minister Mike Eman

ORANJESTAD (AAN):  Durante su bishita di trabao na Hulanda, Prome Minister di Aruba, mr. Mike Eman, a tene un reunion cu Prome Minister Hulandes, sr. Dick Schoof, na Den Haag.

E reunion a enfoca riba temanan importante pa Aruba, entre otro turismo y desaroyo economico, y tambe riba e discusion actual di Rijkswet. Premier Schoof a expresa cu Aruba ta na bon caminda y cu e punto lo wordo trata den e Rijksministerraad cu ta bay tuma luga e siman aki, cu participacion di Premier Eman.

Eman a enfatisa cu un relacion fuerte y stabil den Reino ta fundamental pa confiansa y stabilidad financiero di Aruba. Den e contexto aki, a menciona cu e acuerdo cu Hulanda riba tema financiero lo nifica un alivio di 20 miyon florin na interes.

Ademas, a trata posibilidad pa Universidad di Wageningen tuma un rol mas proactivo den Aruba, y pa establece un “Koninksrijk Investeringsfonds” den beneficio di tur isla di Reino.