Prome Minister a corta cinta di restaurant nobo Bogart’s Aruba

ORANJESTAD (AAN): Diasabra dia 8 di juli anochi, Prome Minister Evelyn Wever-Croes a asisti na e gran apertura di Bogart’s Aruba.

   Bogart’s Aruba ta un ‘French Mediterranean Cuisine’ cu un toke clasico y exotico. Den un celebracion ameno, Prome Minister a corta e sinta deseando propietarionan Richard Franken y Zobayda Franken-Akkari y empleadonan tur exito cu e restaurant nobo aki na Aruba.

   Despues di dos aña di un pandemia cu practicamente a paralisa e economia di nos pais, na unda cu despues di a cera frontera pa stop e virus di sigui drenta y causa mas daño, turismo a sufri un daño grandi causando daño tambe na economia di nos pais. Awe, Aruba ta recuperando y ta dunando luga na negoshinan nobo cuminsa lanta pa yuda nos economia mas ainda teniendo cuenta cu nos turismo ta lantando cabes considerabelmente.

   Recientemente IMF a publica su Article IV Mission y a remarca cu e recuperacion di Aruba ta impresionante, y cu Aruba mester ta hopi orguyoso. Aruba tabata e pais mas fuertemente afecta pa e pandemia, esun cu mas a yuda e comunidad durante pandemia y un di e poco paisnan na mundo cu ta demostrando un recuperacion asina positivo, den apenas 3 aña.

   Prome Minister ta felicita propietarionan di Bogart’s Aruba tur clase di exito cu nan restaurant nobo. Pabien cu e logro aki cu ta fruta di boso trabao duro cu determinacion.