Prome companianan di construccion cu a wordo certifica

ORANJESTAD (AAN): E prome companianan di construccion cu a wordo certified na Aruba door di RCC a bira conoci. 

Di e forma ey, tanto cliente como demas comerciantenan na Aruba lo haya sa cu nan ta deal cu companianan renombra di construccion cu ta cumpliendo cu tur regla di trabao na Aruba.

   DIARIO ya caba a mustra con Rob Timmes kende ta gerente di Business Improvement Croon Caribe, a haci entrega recien di certificado pa curso duna pa Fundacion RCC (Registracion di Companianan di Construccion).

   Esaki a tuma lugar den sala di reunion di ATIA.  E prome companianan cu a uni na Fundaccion RCC a participa den e curso. 

   Fundacion RCC a worde funda pa reta companianan na Aruba pa demostra y mustra cu nan ta cumpliendo cu leynan local, pa mustra cu nan ta asumi responsabilidad, y percura cu hunto por percura pa un situacion economico husto na Aruba pa companianan di construccion, y henter e red di organizacionnan envolvi den construccion riba e isla.

   Ya caba e prome grupo di compania a participa na curso, y Fundacion RCC ta orguyoso y ta mira nan como pionero di ta esnan prome cu kier participa na e iniciativa y e plan tey caba pa na 2022 bay escala esaki aun mas, y reta mas compania pa nan bin haya sa pakico e Fundacion tey, y check si nan kier contribui na un economia husto na Aruba, pues nan ta sigui bay dilanti pa haci algo bunita di tur esaki.

   E prome companianan ya caba a haya certificacion.  Cu e sello aki, nan por mustra tur cliente cu nan ta cumpliendo cu tur regla di Aruba.

 Aki por mira parti di e prome companianan cu a wordo certifica door di Fundacion RCC.