Prome 3 palo di luz a wordo instala na Piscina Olimpico Roly Bisslik

ORANJESTAD (AAN): E tabata un anhelo di hopi tempo caba, desde cu Piscina Olimpico Roly Bisslik na Savaneta ta den funcion.

  E deseo pa haya palonan di luz cu lo por ilumina henter e parti interior di e facilidad aki.

   Instalacion di luznan na un piscina ta esencial pa mehora siguridad, mehora calidad di training, y sigura cu ta cumpli cu standardnan di salud y safety.  Aunke iluminacion bao awa por tin su atraccion aestetico, toch luznan grandi di halto ta suministra e iluminacion necesario pa visibilidad mihor den henter e piscina.

   Den fin di siman, gruanan a yega pa asina hisa e palonan di luz cu ta bay ilumina e Piscina Olimpico di awor en adelante.

   E potretnan aki pa cortesia di Ministerio di Deporte di Ministro Gerlien Croes, ta mustra momento cu Diasabra mainta a instala e prome 3 palonan di luz na Piscina Olimpico Roly Bisslik.  Unabes nan ta den funcion, e lo bay bira un cambio pa positivo.