Joey Francisco a gradua di Universidad di Aruba cu tesis di anti-dopahe

Despues di un stage exitoso na Comite Olimpico Arubano

ORANJESTAD (AAN): Despues di algun luna di stage na Comite Olimpico Arubano (COA), unda a asisti den tur tema di desaroyo deportivo a traves di e curso “Capacity Building Training” y cu e organizacion di anti-dopahe (ARUNADO), hoben profesional Joey Francisco a logra gradua di Organization, Governance & Mananegement Studies” (OGM) na universidad di Aruba.

   Joey a entrega un tesis cu e titulo “A Qualitative Study on the Perceived Effectiveness of Anti-Doping Education, Research, and Compliance in Aruba”, unda a investiga e efectividad di Aruba su iniciativanan di anti-dopahe bou di educacion, cumplimento di regla y investigacion segun e percepcion di atletanan, personal di sosten pa atleta (ASP) y representantenan di organizacion deportivo.

   Tur esnan di Comite Olimpico Arubano ta felicita Joey cu e tremendo logro aki, y ta gradici su esfuerso di kier investiga un tema asina importante pa e mundo di deporte, pabien Joey.  Aki por mira e alegria ora cu el a gradua.