Productonan di Wild Fork ta mantene nutrientenan y sabor mihor cu carni fresco mes

Marlenne Maduro:

ORANJESTAD (AAN): Diabierna Ling & Sons a lansa Wild Fork, cu ta un programa di carni congela (‘frozen’) di Merca.

Den un entrevista hefe di mercadeo di Ling & Sons Marlenne Maduro a splica cu Ling & Sons a trece Wild Fork pa Aruba na un manera exclusivo.

“Ling & Sons ta e unico den Caribe, pafo di Merca cu ta trece e producto aki, pues solamente den nos supermercado e ta disponibel”, segun Maduro.

El a sigui bisa cu e ta diferente na otro carninan fresco, pasobra nan ta uza e asina yama ‘blast freezing method’, cu ta haci cu e producto ta mantene no solamente e nutrientenan, sino tambe e sabor optimal.

Pesey ta uza e lema: ‘Frozen is Fresher’, pasobra realmente e ta mantene e nutrientenan y e sabor mihor cu carni fresco, segun e hefe di mercadeo.

“Tin hopi variedad pa amantenan cu ta gusta cushina, e ta calidad di restaurant”.

Nos tin 85 producto y nos ta enfoca riba carni, pero nos tin tambe galiña organico y ‘grass fed’, como tambe productonan premium manera Tomahawk, New York Strip, Tenderloin y tin tambe cosnan pa bo cushina facil manera Ground Beef Fajita, segun Maduro.

El a sigui bisa cu esaki ta un programa echt nobo pa e industria di Aruba.

Segun Maduro, awe for di 11’or di mainta te cu 2’or di atardi Ling & Sons lo Barbecue diferente di e productonan di Wild Fork, pa tur hende pasa y purba esakinan.