ORANJESTAD (AAN): Hose Figaroa, Presidente di Sindicato FTA a referi na loke awendia ta wordo yama ‘omschooling’ of ‘bijscholing’ caminda hende ta haci otro tipo di trabao,
pero ta mira cu toch nan kier bay den direccion di turismo y servicio.
Figaroa a indica cu FTA tin pensa di lansa un programa unda nan por financia pa asina bin cu sesionnan di entrenamento pa manera haci trabao di ‘waiter’, bartender, como un programa piloto pa wak con esey por funciona.
El a sigui bisa cu FTA tambe por yuda e clase trahado yega na trabao. FTA ta bezig y kier lansa e programa aki dentro di e proximo 6 lunanan.
Te aworaki e programa aki ta riba e mesun iniciativa di FTA y nan ta den contacto cu diferente profesional pa asina yuda e trahado drenta den diferente mercado, Hose Figaroa a indica.
