Prijs promedio di electricidad pa vivienda a keda Afl. 240.09 na April 2022

ORANJESTAD (AAN):  Oficina Central di Estadistica a presenta e resultadonan principal di e Indice di Prijs di Consumo (CPI) pa luna di April 2022.

Pa loke ta prijs di utilidad ta indica cu (electricidad y awa), gasolin y diesel ta wordo determina primordialmente door di e prijs internacional di petroleo.

Na April 2022 e prijs promedio pa bari di petroleo (US$ 102.29) a conoce un caida di US$ 6.29 (-5.8%) compara cu Maart 2022 (US$ 108.58).

Prijs di electricidad y di awa no a cambia compara cu Maart 2022. Consecuentemente, e prijs promedio di electricidad pa vivienda a keda Afl. 240.09, mientras cu e prijs promedio di awa pa vivienda a keda Afl. 137.05.

Prijs di gasolin a registra un subida di Afl. 30.00 cent (11.5%) na April 2022 y a causa un efecto di 0.61 ppt riba e CPI. Prijs di diesel a registra un subida di Afl. 45.70 cent (20.0%) na April 2022 y a causa un efecto di 0.07 ppt riba e CPI.

Na April 2022, utilidad, gasolin y diesel como grupo, tabata tin un subida di prijs di 4.1% compara cu Maart 2022 y hunto tabata tin un influencia di 0.68 ppt riba e CPI, mientras cu e restante 404 bienes y servicio hunto, no a cambia y no tabata tin efecto riba e CPI.