Hayando extra preparacion pa examen di verkeer na scol

ORANJESTAD (AAN): Studiantenan di 5de klas ta prepara pa e verkeersexamen.

   Esaki ta e siman grandi pa tur e muchanan di Klas 5 di Scol Basico na Aruba, cu ta participa na e Landelijk Schoolverkeersexamen.

   DIARIO a keda agradablemente sorprendi, pa mira con e instructornan di Aruba Driving School tambe a tuma e examen aki hopi na serio pasobra ta e mes un muchanan aki ta nos futuro chauffeurnan di mañan.

   Pa e mes un motibo aki e instructornan, bao guia di Jairo Maduro a duna un workshop di verkeer na diferente schoolnan pa asina nan lo ta miho prepara pa nan examen.

   Aruba Driving School tur aña ta pasa na diferente scol pa duna e workshop aki gratuitamente pa asina engrandece e conocimiento di nos studiantenan riba e tema di verkeer.

Un danki special na e docentenan y cabesantenan di e schoolnan cu a deposita nan confianza den Aruba Driving School y muy en particularmente na Jufr. Yentl y Shannon cu a realiza e tremendo trabao aki.

   DIARIO y tambe full e staff y personal di Aruba Driving School ta desea tur e 5de klassers nan tur clase di exito cu nan examen.