ORANJESTAD (AAN) – Den un entrevista cu DIARIO, señora Marllori Medina, Presidente di Fundacion Venezolano Uni, Aruba a mira su soño cumpli, ora cu a habri su comedor popular.
E proyecto aki ta un soño cu a nace aña pasa na Augustus, y su meta tabata mas tanto como Fundacion pa yuda tur mucha y hendenan grandi, y el a wordo logra.
El a splica cu den su fundacion tin cien mucha, y fuera di esey, tin 30 mucha riba lista di spera. “Pero door di e pandemia covid 19, aña pasa hopi hende a keda sin trabao y aworaki tin hende cu ta dicidi entre paga awa y coriente, huur, hipoteca of cumpra algo di cuminda”, e dama a duna di conoce.
El a expresa tambe su gratitud pa e lugar cu el a haya pa por a desaroya e prome comedor popular na Aruba pa mucha y adulto, den e di tres piso di un edificio na Palm Beach. E fundacion a haya donacion di uniform pa scol, cu ta bay parti entre e muchanan, como tambe jeans y algun par di zapato pa mucha y pa hende grandi.
https://diario.aw/categories/noticia/general/presidente-di-fundacion-venezolano-uni-na-aruba-a-logra-su-sono-comedor-popular-a-bira-un-realidad#sigProId8af40376c8
