Masha Pabien! - ORANJESTAD (AAN): Banco di Caribe ta patrocina un team di baseball Hurricanes U10 di edad 8-10 aňa.
Pa Banco di Caribe esaki ta un sosten necesario; deporte semper ta yuda na forma e mucha den adulto cu por ta un gran contribuyente den comunidad.
Practicando deporte, e mucha ta siña disciplina y compañerismo cual ta caracteristicanan masha esencial pa bira un futuro profesional.
Tocante “Hurricanes Baseball Foundation”
“Hurricanes Baseball Foundation” a ser funda dia 22 di juli 2011. E fundacion ta brinda muchanan di San Nicolaas, Brasil, Savaneta, Pos Chikito y cercania e oportunidad pa practica e deporte di baseball cuminsando for di edad di 3 te 16 aña. Nan ta train 2 ora pa dia, 3 biaha pa siman na e veld di Mabon. Banda di esaki e team ta participa na tur campeonato di baseball na Aruba cu ta
tuma lugar riba diasabra y diadomingo. Asina e muchanan ta dedica 5 dia di e siman na e deporte di baseball.
Tur coach y pelotero a keda sumamente contento y ta compromete pa sigui train mas duro cu entusiasmo, sperando e prome dia di campeonato di Baseball pa por luci nan bunita uniform.
Banco di Caribe ta desea e team completo hopi exito pa e campeonato cu ta na caminda.
Riba e foto por mira Sr. Giovanni Croes, Managing Director
bautisando e uniformnan hunto cu Coach Jossimar Kock y pelotero nan Jeaun, Jedwin, Jayven y Jixion Hurricanes U10.
