Preparando plan pa mantene veldnan di Mini-Turf cu tin rond Aruba

ORANJESTAD (AAN): Riba Diamars, Ministro di Deporte Gerlien Croes a reuni cu representantenan di organisacionnan hunto cu Lotto pa Deporte y arkitecto.

   Esaki ta pa alinea e siguiente pasonan pa renobacion y eventualmente acuerdo di mantencion di e veldnan di Mini-Turf cu tin na e.o. Arsenal, Washington y Ayo.  Nan ta hopi popular cerca no djis hobennan, pero tambe adultonan pa train futbol y otro deporte riba nan.

   E Mini-Turfnan aki tin varios aña di existencia y mester haya un trabao di mantenimento.

   Ministerio di Deporte ta indica cu esaki ta nan tarea di planifica awe, transforma mañan. E trabaonan ta continua.