Personal di WEB Aruba a bay honra varios mamanan cliente

ORANJESTAD (AAN): Siman pasa, como aprecio pa e mamanan cliente di WEB Aruba NV, e team di Customer Service hunto cu Gotito a sali cu bus,

pa haci entrega di ‘Gift Baskets’ personalmente na 10 mama cliente di WEB, y nan a bay te na cas of trabao di e mamanan ganado, pa asina nan por disfruta riba Dia di Mama.

   Tur cos a start ora cu a uza un computer cu sistema autimatico pa saca 10 nomber di clientenan femenino.

   E mamanan ganado a keda sumamente feliz cu nan regalo y tambe cu nan bishita di Gotito. Cada basket a inclui diferente regalo manera: gift certificate di awa di WEB, gift certificate di supermercado, gift certificate di gasoline, un bunita mata di Santa Rosa y algun regalito mas di WEB.

   Cu e gesto bunita aki, WEB ta sigui mustra su aprecio y cariño pa nos clientenan y comunidad. WEB ta desea tur mama, principalmente mamanan di WEB, un Feliz Dia di Mama.