Pelicula local “Tierras Calientes” a gana premio na India

ORANJESTAD (AAN): E productor di pelicula local Angel Soto, cu hopi orguyo,

ta informa nos isla Aruba cu su pelicula filma den 2024, esta “Tierras Calientes” a resulta ganado den e festival di pelicula yama Ayodhya Film Festival na India. E ta un regio den suroeste di New Delhi.  

E hurado a dicidi di otorga e premio di miho director y esun di miho pelicula largometrahe na “Tierras Calientes” cu a trata e tema di traficacion di hendenan muhe na nos islanan.

Ta felicita e elenco grandi cu a forma parti di e pelicula cu den 2024 a pasa na Aruba den cinemanan local.