Pelican Adventures contento cu Enid Lacle-Croes a keda honra cu premio

ORANJESTAD (AAN): Pelican Excellence Award ta honora individuo nan kende consistentemente ta demostra excelencia, liderazgo y un compromiso na e balornan fundamental di Pelican Adventures.

   Pelican Adventures orguyosamente ta anuncia cu e distinguido premio di Pelican Excellence Award a ser otorga na Enid C. Lacle-Croes, Secretaria Ehecutiva di e compañia. E premio aki, ta e honor mas grandi otorga na un miembro di ekipo di nos organizacion. Pelican Adventures ta reconoce e dedicacion excepcional di Enid, su prestacion sobresaliente y su contribucion balioso durante su ocho aña cu nos compania.

   Enid C. Lacle -Croes ta forma un miembro esencial den e famia di Pelican Advetures. E no sa faya den su compromiso, su profesionalismo ta ehemplar y su pasion pa su trabao ta authentico. Su atenshon pa detaye; su enfoke proactivo y su habilidadnan organizatorio ta excepcional. E competencianan di Enid, ta haci su persona hopi balioso pa e team di Pelican Adventures. Como nos Secretaria Ehecutiva, Enid consistentemente ta sobrepasa tur expectativa, realizando un papel clave den e exito y e operashon di Pelican Adventures.

   E Pelican Excellence Award ta un prueba di aprecio pa Enid su trabao ehemplar, su dedicacion y su actitud positivo. E reconocimento prestigioso ta reserva pa esnan cu no solamente ta sobresali den nan rol pero cu tambe ta eherce su trabao den cuadro di e principio y balornan fundamental di Pelican Adventures. Su trabao ta, contribui na un ambiente di trabao positivo y cu ta garantisa un nivel di servicio hopi halto pa nos clientenan.