Tanto Diamars y Diaranson
ORANJESTAD (AAN): E grupo local di Aruba Astro Research Int. a informa pa medio di Marcos Bislip cu Diamars Dia 17 di September 2024 Aruba por a observa y disfruta di dos evento celestial prome e salida di e luna den Supermoon sigui despues pa e Eclipse Parcial Limita Penumbra y Umbra. Tambe dia 18 di September 2024 marduga pa e Luna Yen na unda ta alcansa un iluminacion di 100% y cu luna y planeta tera tabata den perigee den un acercamento cu otro.
Supermoon na Aruba: Diamars 17 di September 2024 prome cu e evento di eclipse parcial limita saros 118 a tuma lugar Aruba por a disfruta di salida di luna cu tabata den Supermoon na unda e luna a sali masha grandi mes e luna a sali na horizonte di lama pa 6:31 pm di anochi y pa 6:42 pm di anochi el a bay den Supermoon un color oranje geel pa 6:45 pm di anochi Sr.Marcos Bislip astronomo y astrofotografo di Aruba Astro Research Int. a saca potret close up di e Supermoon for di Congoweg 47, San Nicolas, Aruba.
Aruba por a mira un bunita Supermoon un luna hopi grandi esaki debi cu e luna y planeta tera tabata den perigee esta den acercamento cu otro na un distancia di 357,415 km.
Luna yen na Aruba: Mester menciona cu e luna yen aworde calcula pa NASA y otro instancianan pa 10:34 pm di Diamars 17 di September 2024 anochi y tambe cu e 100% di iluminacion ta bay ta pa 12:40 am di Dia 18 di September 2024 pero no a tene na cuenta cu e sombra leve di penumbra tabata cubri 92% di e luna y 8% tabata cubri pa e sombra umbra di eclipse parcial di luna.
E sombra di e planeta tera ta cubri e superficie di luna blokiando e straalnan di solo pa e luna ricibi e claridad di e solo ariba su superficie.
Pesey ta bira dificil pa e straalnan di claridad di e solo cubri e luna den un luna yen y ta te despues di 12:47 am di Dia 18 di September 2024 marduga cu e luna por ta cla atrobe despues cu e penumbra a termina. Tabata Dia 18 di September 2024 den oranan di marduga cu e luna a bira blanco blanco ricibiendo e straalnan di solo 100%.
E potret aki di Aruba Astro Research Int. pa Marcos Bislip na unda por aprecia e luna yen den full briyo di solo.
