Celebrando e di 30 aña den enseñansa di e dinamico Jane Hooft

E ta cabezante awor di Abraham de Veer School MAVO

ORANJESTAD (AAN): Un celebracion fenomenal tabatin e siman aki na Abraham de Veerschool MAVO na San Nicolas, ora cu a festeha e hecho cu 30 aña pasa e docente Jane Hooft a drenta den servicio di Enseñansa na Aruba.

   Su nomber mes ta Jane Louisa Bueno Guzman-Hooft, y el a cuminsa traha dia 19 di September 1994 na Abraham de Veerschool den Lokaal 2.  E siman aki a celebra su di 30 aniversario un rato den Lokaal 2.  E team incansable di scol a sorprende juffrouw cu un Lokaal bunita drecha.

   Hopi bidanan a wordo inspira durante e 30 añanan aki, y awendia juffrouw Hooft tin e puesto di cabezante di e scol.  E ta sigui trahando cu hopi placer y orguyo cu su team super dinamico pa hiba Abraham de Veerschool na un next level cu favor di Dios. Y ki bunita pa wak cu awe tambe su ex-alumnonan a bira su coleganan na scol.

   Aki por mira mas di e celebracion.  Palabra di pabien tambe di DIARIO pa juffrouw Jane Hooft.