Pastoral Hubenil Noord tabata presente pa reunion di evaluacion di Hornada Mundial di Hubentud

ORANJESTAD (AAN): Pastoor Curtis Merris, lider di e delegacion pa World Youth Day di Obispado di Willemstad y Canciyer consehero di Obispo,

tabata na Aruba diasabra 9 di september ultimo pa tene un reunion di evaluacion cu algun miembro di e delegacion di Aruba cu a participa na e Hornada Mundial di Hubentud na Lisboa, Portugal recientemente. Un y tur a trece nan puntonan padilanti pa mehoracion.   

         Dicho reunion a tuma luga den e sala parokial di Savaneta den presencia di vicario episcopal, pastoor Andres y Reginald Winklaar, coordinador di Pastoral Hubenil Aruba.

            A representa parokia di Noord na e reunion aki, Luis y Kimberly Croes hobennan di Pastoral Hubenil Noord (PHN), Elvia Croes, mayor y Karen Singh, catekista.

            Un total di 32 hoben di Aruba a participa na e Hornada Mundial di Hubentud 2023 di cual seis ta di PHN.