Parlamentario Endy Croes a bishita Tweede Kamer y ricibi hopi informacion

ORANJESTAD (AAN): Na Tweede Kamer den commisie zaal Staatsecretaris di Binnenlandse Zaken y Koningkrijk Relaties Eddie van Marum

 a ricibi varios pregunta for di parlamentario nan Hulandes riba e situacion di e islanan CAS. E parlamentarionan Hulandes tabata haci hopi pregunta skerpi riba e Islanan di Aruba, Curaçao y St Maarten.

   Parlamentario Endy Croes ta indica cu no solamente e tema di Venezuela a bin riba mesa, pero tambe riba e situacion financiero unda cu nan tabata basta critico y hasta dado momento a papia den e comision pa duna e islanan nan independencia pa nan por para riba nan propio pia.

   Otro parlamentarionan a sali hopi na defensa di e islanan CAS unda cu ta indica cu e islanan aki ta parti di Hulanda y cu mester yuda e islanan aki den e momentonan dificil cu nan ta confrontando na e momentonan aki.  Parlamentario Endy Croes ta duna di conoce cu e reunionnan aki ta reunionnan hopi interesante mirando e situacion cu Aruba ta den dje unda cu ta bringa e Rijkswet unda cu na Aruba e mayoria di e pueblo ta contra di Rijkswet.

   Importante ta pa sa kico ta e pensamento di gobierno di Hulanda pa cu Rijkswet HOFA y pensamento di Eerste y Tweede Kamer. En todo caso Hoog Leraar y Professornan di Eerste Kamer a critica e Rijkswet HOFA indicando cu e no ta bon y no ta sirbi “ Het Deugt Niet” lokual nan a comenta y sigur e No a cana e caminda corecto.

   Ultimamente por a tuma nota riba loke cu profesor Peter Nicolai a vocifera y a critica e manera completamente cu e Rijkswet HOFA a encamina, Un Rijkswet cu Prome Minister Mike Eman , Minister Geoffrey Wever y Minister Gerlien Croes a entrega na Hulanda y cu no a cana corecto y no a cana e caminda pa a haya consensus di Parlamento di Aruba.  

   Den commisie zaal na Tweede Kamer ta importante pa sigui e desaroyonan aki pa asina Aruba tambe sa kico ta e caminda cu mester sigui cana. Banda di tur cos e conexion cu mester cu e parlamentario nan Hulandes pa asina splica ken de ta Aruba y con Aruba ta y kico ta Aruba su Historia ta, ta  importante pa implementa na Hulanda y pa asina tin mes conocemento di e islanan CAS. E simianan cu ta worde planta awe den e conexionnan cu tin mas dilanti lo wak kico ta e fruto nan den henter e proceso di conocemento di Rijkswet.