Parada Grandi di Playa tabata yena cu luho y beyesa

ORANJESTAD (AAN): Diadomingo mainta pa exactamente 11:00 am, e Parada Grandi di Carnaval 71 na Oranjestad a start, y e biaha aki dedica na Cuerpo Policial di Aruba.

   Y mientras cu e gruponan musical a cuminza ta move bay dilanti, wowo di tur hende mesora a cuminza cay riba e luho, briyo, atraccion, y beyeza completo di e participantenan den Parada, cu a demostra cu keto bay e creatividad extremo di disfraz di Carnaval ta birando cada aña mas sofistica.

   Gruponan cu a briya y luci di pia te cabez tabata TOB Carnival Group, Dushi Carnival Group, Champagne Carnival Group, Aruba Tourist Carnival Group, OPC Carnival Group, Colours Carnival Group, Los Laga Bai Carnival Group, Empire Carnival Group, y Royal Carnival Group.

   A nota cu personal di sosten di cada grupo, incluyendo security, Bar, y lidernan a haci un bon trabao.  Publico a saca potret bay goal di tur participante y riba combinacion di potret por mira un seleccion di esnan cu a haci Carnaval 71 grandi.