Ambientoso Jump-Up na e FUNdraising Tent di Kiwanis Club of Palm Beach

ORANJESTAD (AAN): E biaha aki, Kiwanis Club of Palm Beach cu tin nan fabuloso FUNDraising Tent na e T-weg di Adriaan Lacle Boulevard cu Lloyd G. Smith Boulevard,

a organiza un evento di musica y jump-up gratis banda di nan Tent, cu a ser yama ‘Together We Shine: A Carnaval Night’.

   Esaki tabata Diabierna anochi, y a bay acompaña pa ‘N Fuzion, Steve Andreas, Caribang, y Shine Music.

   Y di trempan caba Carnavalistanan a yega pa asina jump y goza den e fiesta aki cu tabata manera un antesala pa e weekend di Carnaval.  El a atrae extra hende na e FUNdraising Tent di Kiwanis, y esaki tur a yuda pasobra tur ganashi ta bay pa instancianan caritativo.