Parada di Mascarada na Savaneta ta sigui bira mas grandi  

ORANJESTAD (AAN): E tabata algo cu a wordo nota di aña pasa caba! 

Y awor na 2025 a keda confirma, cu cada aña e Parada di Mascarada di Savaneta, cu a tuma lugar Diabierna anochi, ta sigui bira mas grandi.

   E Parada aki a cuminza for di banda di e Warda di Polis renoba na Savaneta, bay zuid y finaliza na Centro di Bario Savaneta.

   Hopi musica, hopi hende riba pia, curpanan dorna cu luz, y lo mas importante ta cu atrobe el a atrae un gran cantidad di persona cu a bay mira e Parada di Savaneta, cu ta sigui luci cada aña aun mas.