*Impulsando asina e economianan regional
ORANJESTAD (AA)—Organizacion di Nacionnan Uni a proclama dia 17 di Februari tur aña, como Dia Mundial di Resiliencia den Turismo, cu e fin di destaca e resiliencia di e industria di turismo, impulsando e economianan regional.
ORIGEN:
E creacion di e dia aki a surgi danki na e iniciativa di e Organizacion di Nacionnan Uni, cu e finalidad di reconoce e sector turistico como un actividad multi-sectorial. E ta resalta su contribution na e logro di e Obhetivonan di e Desaroyo Sostenible pa aña 2030, cu ta referi na e crecemento economico, disminucion di pobreza, creacion di empleo, promocion di e cultura local, utilizacion sostenible di e recursonan di lama, entre otro aspectonan.
Di otro banda, e Centro Global di Resiliencia Turistico y Gestion di Crisis (GTRCMC), a lanza e dia mundial aki na Dubai na aña 2020. Cu esaki, ta pretende cu e paisnan di menos dimension por tin acceso na conocimento y recursonan, faboreciendo asina e economianan cu ta los di e turismo.
E meta final di e celebracion aki, ta crea un consenshi global uniendo esfuerzonan pa fortalece e sector turistico dilanti situacionnan adveso, manera desasternan climatico y e pandemia di Covid-19 cu ainda tin efectonan na nivel mundial.
EFECTONAN DI COVID-19:
Nacionnan Uni ta señala cu segun stimacion di cifranan existente, turismo tabata un di e sectornan economico cu mas a wordo afecta door di e pandemia. E Producto Interno Bruto (GDP), di e industria turistico a cay cu 2.0 billion dolar, generando un perdida acumula di 3.6 billion dolar pa 2020 y 2021. A keda registra un caida abrupto den e cantidad di turistanan internacional, y a incrementa e nivelnan di pobreza y a disminui drasticamente, e turismo sostenible. Sinembargo, e sector aki a demostra su capacidad di resiliencia, contribuyendo, den poco tempo, na e progreso di e zonanan afecta door di e pandemia mundial.
PLANTEAMENTO NACIONNAN UNI:
E Organizacion di Nacionnan Uni, ta plantea e transformacion di e turismo na escala mundial, door di enfoca su mes na e siguiente prioridadnan:
Gestiona e crisis y mitiga e impacto socioeconomico, den aspectonan manera empleo y seguridad economico pa hende muher.
Impulsa e competitividad y fomenta e resiliencia.
Avanza den e innovacion y digitalizacion di e ecosistema turistico.
Fomenta e sostenibilidad y crecimento economico ecologico inclusivo.
