Pampuna fresco y grandi a yega na Do It Center na Shaba

ORANJESTAD (AAN): Ta nan temporada, y a yega cargamento na Aruba!  Super Do It Center na Shaba a ricibi nan,

y ora di drenta bo ta topa cu e bunita decor aki cu e Pampunanan.  Special pa e temporada di otro siman cu nan lo wordo hopi usa.

   Bo tabata sa cu aunke hopi hende ta mira Pampuna como un berdura, pero cientificamente e Pampuna ta un fruta, como cu e ta contene simia aden.  Pero nutricionalmente e ta mas similar cu berdura compara cu fruta.

   Ademas di su sabor dushi, Pampuna tin hopi nutriente y ta liga cu hopi beneficio pa salud.  E ta yen yen di Vitamina A.  Un cup di pampuna (245 gram) ta contene 245% di Vitamina A cu bo mester cada dia.  Fuera di esey e tin hopi Vitamina C tambe, y bon fuente di Vitamina E, hero, y folate.  Ademas e tin contenido cu ta Antioxidante halto cu por reduci bo riesgo di haya malesanan cronico.  E ta contene Antioxidante manera alpha-carotene, beta-carotene, y beta-cryptoxanthin.  Tur ta yuda pa evita cu bo celnan di curpa ta wordo daña, y reduci bo riesgo di cancer.

   Pampuna ta tiki yena cu nutricion, pero ta hopi abao den caloria, y por yudabo baha peso tambe.  Un cup (245 gram) ta menos di 50 caloria, y ta consisti di como 94% awa.  E ta un cuminda ideal pa ora di baha peso, pasobra bo por come mas di dje compara cu otro fuentenan di carbohidrato (manera aroz of batata), y toch bo ta comiendo menos caloria.