ORANJESTAD (AAN): E informe a drenta for di ciudad Bangor na estado di Maine na Merca, cu James ‘Jim’ E. Bell Sr. a fayece
Dialuna siman pasa cu edad di 80 aña di edad. Pa 40 aña el a traha como supervisor na Dexter Shoe Company, y ora di baha cu pensioen, el a sigui traha pa algun compania, incluyendo Maine Highlands Federal Credit Union.
E ta casa cu Olivia Burgoyne pa 58 aña, y nan a crece nan famia na pueblo di Dexter, na Maine. El a fayece lagando su casa, su dos yiu homber, numeroso nieto, y tambe dos bisanieto.
E ta un persona cu ta cera amistad rapidamente, y tur hende den pueblo conoce, sea como coach den Little League, y demas eventonan deportivo unda su nietonan ta participa. E tabatin pasion pa tur actividad pafo di cas, pues tabata bay campa, y tambe pasa vakantie na Aruba. Tur hende cu e topa, sea amigo of hendenan desconocir, cu orguyo e tabata informa nan cu vakantie na Aruba ta esun faborito di dje.
Diadomingo venidero lo bay tin un ceremonia pa celebra su bida. Envez di flor, nan ta pidi pa haci donacion na Lafayette Family Cancer Institute.
