ORANJESTAD (AAN): Recien DIARIO a publica potret di e personal di algun Consultorio di Docter na Aruba,
pa cortesia di Asociacion HAVA, y a ricibi hopi comentario positivo pa cu esey. Tin biaha bo ta mira cierto hende riba caya, y bo no tabata sa mes cu nan ta docter!
Awe DIARIO ta pone enfoke riba e Consultorio di Docter aki. Nan mensahe ta: “Nos meta ta pa yuda tur nos pashentnan cu humildad y un sonrisa, enfocando riba e necesidad- y preocupacionnan di nos pashentnan y asina haci un diferencia den nan bida”.
Cada Consultorio ta carga e pensamento di bo Docter di con por avansa na beneficio di su pashent. Y e pensamento bunita aki ta di Docter di Cas, J. van der Linden y su team cu ta situa den curason di Savaneta.
Esaki ta e Consultorio di Docter J. van der Linden. Di robez p drechi por mira F.E. van der Linden (asistent administrativo, Dr. J. van der Linden, S. Garrido (asistent), y G.N.J. van der Linden (POH). Nan Consultorio ta na Savaneta 82.
