Pagina Koninkrijksrelaties ta malinforma cu un articulo basa riba noticia falso

Parlamentario Rocco Tjon:

ORANJESTAD (AAN): Parlamentario Rocco Tjon ta lamenta cu nos tin di habri nos dia cu noticia falso di "koninkrijksrelaties" no solamente nan ta gaña den nan articulo pero alabes nan ta saca tur cos di contexto.

            Ningun caminda den e conseho di CAFT ta papia di "roekelooos handelen" di parti Gabinete Wever-Croes II. Tampoco cu e decision pa bin cu un structura di AWSS a costa pais Aruba 190 miyon florin y cu esaki ta comprometi caba!

            Loke e conseho di CAFT den su esencia ta bisa ta cu e bon maneho financiero ta hacie posibel aworaki, mirando e surplus, cu Gobierno EMAN-III por dicidi di percura pa e financiamento dentro di e presupuesto di pais Aruba. Eman cu Geoffrey Wever ta aan zet!

            Gabinete Wever-Croes II a bay Parlamento cu tur experto na momento cu a trata e ley. Geoffrey Wever a forma parti di proceso y concretisacion di e decision pa bin cu AWSS den conseho di Minister e tempo ey. Es mas experto nan mes a splica Parlamento e necesidad di esaki, kico por y kico no por. Alabes AWSS ta conta cu e mesun structura di governance cu tur otro NV di gobierno, manera WEB y Elmar.

            Ta reta e matutino "koninkrijksrelaties" pa un debate publico riba e conseho di CAft.