Opendag ta mañan dia 13 di Juni:
*Actualmente in 1500 so
ORANJESTAD (AAN) – Den entrevista cu DIARIO, Garreth Tromp, Manager LAB-HOH y Bloedbank, na Hospital Dr. Horacio Oduber, a señala cu semper tin mester di sanger pa e comunidad di Aruba, y Bloedbank ta zorg pa trece dunadornan pa haci e produccion di e tres productonan necesario cu si algo pasa nan por percura pa e pashent cu mester.
Diabierna awo Dia 13 di Juni, Bloedbank tin su Opendag y tin mester di 3000 (tres mil) dunado, pero nan solamente tin 1300, señor Tromp a splica.
“Eigenlijk nos tin un necesidad hopi grandi. Nos tin hopi dunado cu a duna pa añanan, pero door di vergrijzing tin varios persona cu no ta califica mas pa ta donante. Ayera a stop un dunado cu a duna sanger desde su 18 aña te su 75. Cu e tipo di personanan aki nos ta masha gradici na nan”, Tromp a expresa.
Pa cumpli cu e reglanan di World Health Organization ta rekeri di 3% minimo di dunadornan, kiermen 3000 dunado nos mester tin cu semper nos por yama ora nos mester. Asina Garreth Tromp a menciona.
“Nos tin 1300. Dus nos mester un cantidad basta grandi eynan. E rekisitonan cu nos tin pa e pueblo di Aruba ta cu e dunado mester ta un persona saludabel. Inscribi y Banco di Sanger mes ta yama bo pa pasa den e proceso di test pa bo por bira dunado di sanger. Eynan bo por scapa bida di un miembro di bo poblacion, cu e por ta un persona cu bo conoce mes”, Tromp a menciona.
