Pa prome biaha den historia ELMAR ta otorga un 'studieovereenkomst’ na un empleado

ORANJESTAD (AAN): Recien a introduci ELMAR Academy, den cual ta ofrece cursonan online y 'klassikaal' na e empleadonan, pa asina logra sigui hisa nan conocemento.

            Un otro forma cu ELMAR ta trahando riba preparacion di nan empleadonan ta 'Talent Management', como parti di e proceso aki ELMAR a firma un 'studieovereenkomst' cu colega Jaspal Singh.

            Esaki ta un momento significante pa pasobra e ta e prome biaha den historia cu ELMAR ta ofrece e oportunidad aki na un empleado.

            Anthony Irausquin, Managing Director di ELMAR, a gradici Departamento di HR pa nan esfuerso pa logra e meta aki, y ta felicita Jaspal cu e oportunidad aki.

            Jaspal mes ta stima traha cu cliente y ta sinti un gran satisfaccion pa restaura nan coriente den caso di interupcion. E ta gradici su mayornan pa semper encurash'e pa sigui p'adilanti.