Olde Molen

Tur hende ta pasa regularmente den su vecindario, miles di turista a yega di saca su potret.

E “ Olde Molen” ta originalmente traha na 1815 na Groningen Hulanda.

Na 1897 e mulina a perde su capa durante un mal tempo na Hulanda.

Na 1929 un mal tempo na Hulanda ta pone e mulina ta perde parti di “ wieken” ( loke ta draai) y un parti di e edificio ta kima.

Y asina e molina aki a keda te na 1959 ora cu dos comerciante Hulandes biba na Aruba, Paalman y Woudenberg, a pensa di traha un restaurant den un Molina.

Tabata H.Steenhuizen cu ta e prome y te cu awe e unico persona cu a yega di importa un mulina Hulandes na Aruba.

Na comienso di 1960 e mulina a yega cu barco Baan di KNSM den waf di Oranjestad.

Na 1961 tabata Gezaghebber Beaujon cu a pone e promer piedra pa e construccion di e mulina.

Bohama NV cu e ingeniero Van Strien a haci e reconstruccion di e molina.

E “ wieken “ di e mulina ta wanta cu wayanan, pa evita cu e mulina ta draai mucho liher den Aruba su biento duro.

Na 1962 a haci e apertura di e restaurant “ Olde Molen.

E maneho di e restaurant tabata di Strijland y Schmand e mes un personanan cu tabata maneha Bali Restaurant.

Durante hopi aña e “Olde Molen” a keda funciona como un restaurant of mas recien como

un club nocturno. 

Fotos y texto

Nos Historia Nos Herencia