ORANJESTAD (AAN): Dos persona cu a haci hopi pa enseñanza den distrito di Noord, recien a fayece.
Ta trata aki di docente Mario Martinus Tromp kende riba Diahuebs 6 di Januari 2021 a wordo dera.
Tambe tin Roberto Francisco Figaroa, mihor conoci como Meneer Betto cu tabata cabezante di St. Aloysius School na Noord. El a wordo dera Diabierna atardi 7 di Januari 2021.
St. Aloysius School na Noord mes ta cera e aña aki debi cu e scol ta tur decai y ainda tin di concretiza plan pa renoba esaki. Mientras tanto lesnan ta wordo duna te na Playa den ex-edificio di VAD Printers riba Boulevard.
Toch pa e respet debido, a hisa bandera halfstok na e edificio na Noord, aunke e edificionan rond di e palo di bandera no ta mucho cos di gaba. Pa hopi decada a neglisha e scol aki cu mantenimento regular, y pesey awor e ta asina peligroso pa duna les aden, y unico solucion ta pa e wordo renoba completamente.
