SAN JUAN: E cantante puertorriqueño Daddy Yankee recien a causa reaccion fuerte riba Social Media,
ora cu el a bisa di a tuma un decision radical cu e ta bay duna su ultimo tour, y hopi hende a mira esey como señal cu e ta bay stop di canta. Y awor pa colmo e reguetonero a dicidi na kita (‘delete’) su profile for di Instagram.
Ainda no ta conoci e motibo pakico e artista a dicidi na bay kita su contenido for di e plataforma digital. Hopi ta pensa cu e lo por ta trata di un strategia publicitario di algun proyecto cu e lo por bin cune den e Aña Nobo aki.
Aki tin di mustra cu Daddy Yankee no ta e unico cu recientemente a bisa ayo na Instagram.
E cantante puertorriqueño Bad Bunny tambe a delete su contenido for di Instagram, pero den e caso aki, e artista despues a habri un account riba e social media chines di TikTok.
