Observando Din su di tres lustro trahando pa Do It Center

ORANJESTAD (AAN); Un celebracion special tabatin recien na Super Do It Center na Shaba,

ora cu gerencia a honra e empleado Shatruhan Soebedar, mihor conoci como ‘Din’, kende a recorda cu 15 aña pasa el a drenta den servicio cu e compania.

   Pues Din awor ta observando su di tercer lustro cu e compania.  Gerencia a mira con Din a celebra 15 aña di dedicacion, excelencia, y su leadltad enorme cu e compania.  Nan ta mira cu Din a yuda e compania hopi den su gran logro, y nan ta consider’e un bloki solido di e team.

   For di gerencia el a ricibi un plaquette, e acostumbrado envelop, y un certificado pa conmemora e momento aki.