Hopi ciudadano a acudi na e Pop-Up Market di Santa Rosa

ORANJESTAD (AAN): E tabata un exito, y for di trempan caba por a mira hende yegando pa probecha di e evento di Pop-Up Market na Santa Rosa.

   Santa Rosa na su turno ta hopi agradecido na e productornan fiel cu a bin forma parti na e Pop-up.  Un danki tambe na tur e cliente nan fiel cu semper tey pa bin apoya nos productornan. Union ta hasi forsa y nos ta orguyoso di por bisa cu esaki tabata otro evento exitoso pa nos Sector Primario y pa Santa Rosa.

   “No ta importa con chikito of grandi boso produccion ta, importante ta pa nos ta uni y pa nos por considera nos produccion local como e ganashi principal pa nos isla.”

   Por a nota presencia di Ministro di Sector Primario, esta Geoffrey Wever tambe presente.