NV Elmar ta colabora cu Biblioteca Nacional Aruba y ta relansa su mascota Chispito

Señora Audrey Croes, Relacionista Publico di N.V. Elmar

ORANJESTAD (AAN): Biblioteca Nacional Aruba (BNA) ta cla pa cuminsa cu Festival di Buki pa Mucha 2025 dia 2 di November proximo. Esaki ta e di 33 Festival di Buki pa mucha cu e tema "Aventura na granel!"

   Relacionista Publico di N.V. Elmar, señora Audrey Croes, durante un conferencia di prensa a anunica cu relaciona cu e di 75 aniversario di N.V. Elmar, e compania di electricidad lo ta den colaboracion cu Biblioteca Nacional Aruba. Segun señora Croes, esaki ta e momento corecto pa relansa Chispito.

   Chispito ta e mascota di N.V. Elmar y ta bay tuma parti di e festival di buki. Den e buki Zap! Zap! Zzziennng! E aventuranan di Chispito, nos muchanan lo disfruta di e aventuranan y personalidad di Chispito, un mascota amigabel, curioso y cu hopi energia.

   Señora Croes a splica cu N.V. Elmar ta lansa Chispito den e festival di buki e aña aki pa conscientisa mayornan y muchanan tocante peligernan y e importancia di siguridad di coriente. Y por spera Chispito den e recoridonan na scolnan durante Festival di buki como tambe durante di lesamento di buki na Biblioteca Nacional.