Ministro di Enseñanza a bay haci bishita na tres scol

ORANJSTAD (AAN): Ministro di Enseñanza, Gerlien Croes, riba Diaranson a bay haci bishita na tres scol na Aruba pa asina papia cu docentenan,

mira facilidadnan, y haya contacto cu alumnonan.

   E titular di Enseñanza a haci bishita na Scol Preparatorio Kukwisa na Pos Chiquito, tambe a bishita Scol Preparatorio Cacique Aterima na Macuarima, y tambe Cacique Macuarima School na Macuarima.

   Na cada uno di e tres scolnan aki, e docente- y alumnonan a ricibi Ministro cu energia positivo y inspirativo.    Na final, Ministro Gerlien Croes a splica cu el a keda realmente impresiona cu e trabao y dedicacion di cabezante y docentenan.

   “Mi aprecio pa tur educador y personal di scol pa boso dedicacion continuo den forma e futuro di nos pais; nos alumnonan,” el a finaliza bisando.