NV Elmar preparando pa tuma over tur luz di caya

ORANJESTAD (AAN): A bira conoci algun tempo pasa, cu tur luznan di caya cu semper tabata bao maneho di DOW, na Aruba lo bay cay bao encargo di e compania NV Elmar.

    Pesey mes ultimo temponan, NV Elmar y DOW ta bezig cu inventarisacion pa asina por haci un traspaso di luznan di DOW pa e compania.

   No obstante e maneho di luz no ta cay bou NV Elmar ainda, boluntariamente NV Elmar ta remediando e situacion di storing di luznan na San Nicolas cu trabao di reparacion.

   E traspaso ta encera cu lo cambia tur e luznan existente pa e tipo di luznan bao di maneho di NV Elmar.

   Den cuadro di inventarisacion, awe nos a instala un mast pa pone un luz como test na Bernhardstraat debi cu e infrastructura di luznan na San Nicolas ta diferente cu e luznan cu ta cay bao di maneho di NV Elmar.