ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, y ta agrega un signo zodiacal y ya bo ta den wega.
Esey ta loke Luz a haci tambe, y el a gana! Pesey riba Dialuna el a acudi na oficina di Lotto na Playa pa reclama su premio.
Despues cu nan a revisa su ticket, y a scan e barcode den computer, e machine mesora a confirma cu Luz a gana e suma di 25.000 Florin cu wega di Zodiac.
Asina a start cu e proceso pa transferi e premio electronicamente pa su cuenta di banco. Luz a indica cu e ticket ganador el a cumpra na Big Ten 2.
