NV Elmar a pasa Gobierno un Fast-Ball

Remitido

E compania NV Elmar a bay corant cu hopi corahe, keriendo cu ta tur hende na Aruba ta ignorante. Nan cu un storia di Cha-Nanzi cu ta Gobierno so a guli manda abao.

   Ami no ta kere loque Elmar a trece padilanti, pasobra ta increíble cu net luna di augustus casi tur cas (20,000) aki na Aruba a usa menos cu 1.000 kWh, pa despues luna di september inclui loke ya a usa na Augustus di modo cu e cobranza por pasa fuertemente hopi mas cu 1.000 kWh pa luna, cu e consecuencia cu tur recibo aki na Aruba a bin sky-high.

   Si Bo controla e Bracket number 3 di Elmar e a bira 0.5216 Floriny e tabata 0.4209 Florin.  Awor pakico nan a haci esaki pa pret NO, e tin un tinte Politico. E draaiboek di AVP a bolbe sali na Horizonte. E wega aki ta poco peligroso pero e ta fácil pa haci.

   Ken ta prome hende cu a reacciona ariba recibo di NV Elmar, si e mes Mike Eman. El a trece un recibo falsifica na unda un cliente su recibo a bula di Augustus pa September di 500 Florin pa September pa 1.500 of 5.000 Florin algo asina pero cu e mesun consumo di kWh.  Algo cu ta imposibel. Ningun caminda el a pone con el a yega na e cifra di cobramento, y con NV Elmar a calcula e suma ey!

   Mi tambe por falsifica e recibo di Elmar y gaña tur hende cu mi coriente si a baha. Pero ban ta serio. Elmar a haci esaki opzettelijk simplemente pa perhudica Minister Glenbert Croes y e Minister inocentemente a kere NV Elmar. Mi ta exigi di Minister Glenbert Croes laga haci un investigacion forensico y nan lo constata cu loque mi ta pretende ta berdad.

   MI ta exigi di Elmar pa bisa pueblo cuanto hende (cas) aki na Aruba na Augustus 2022 nan recibo a mustra un rebaho di kWh bao of net 1.000 kWh.   Na Augustus e entrada di Elmar a baha bao 14 miyon y na September, NV Elmar a masacra pueblo cu un cobranza di September di mas cu 20 Miyon Florin. Esaki ta mustra caba e wega cu NV Elmar a hunga cu nos Minister. Simplemente pa perhudik’e, pero ta pueblo boso a perhudica.  Time will tell.

   Adhunto mira e grafico cu mi a manda di mi cobranzanan aki na Savaneta di Januari 2022 te cu Juli 2022, semper mi uzo di kWh tabata mas cu 1.000 kWh pa luna. Pero diripiente e “milagro grandi” a sosode na Augustus 2022, Sinterklaas a drenta NV Elmar y mi kWH a baha bao 1.000 kWh pa luna, coincidencia?  No, mal ehempel.  Nel a bisa hopi biaha Papa Dios ta bisti pijama, pero E no ta drumi. Esnan cu a comete e fechoría aki lo paga p’e. Gobierno lanta for di soño. Sans Rancune.

Jani Thijsen,

Savaneta 210-A,

Tel 584-7280.