No pone tape ni niun obstaculo pa marca spotnan riba ruta di Carnaval

Señor Daryl Lue di DOW:

ORANJESTAD (AAN): Pueblo carnavelesco ya caba kier cuminsa reserva un bon spot riba e ruta di carnaval pa asina bay wak e grandioso paradanan di carnaval na un luga sigura pa para of sinta disfruta hunto den famia.

   Señor Lue di DOW ta haci un apelacion na pueblo pa tene cuenta na ki momento por reserva spot riba e ruta di Carnaval, cu lo wordo informa pa KPA y DIP. Y na momento cu por cuminsa haci esaki, pa pone obstaculo riba caminda of banda di caminda pa evita cu hende trompica riba nan. Tambe esnan cu a haya kavel, mester percura pa no tin obstaculo cu por stroba esnan cu ta uza Linear Park pa cana.

   Tambe, señor Lue ta haci un suplica pa no pone tape mas riba aceranan pa marca e spot cu nan ta desea. Pa hopi aña, e tendencia aki ta tumando luga. E tapenan ta pega duro y ta laga un marca riba aceranan. Esaki ta causa hopi problema pa DOW ora mester kita nan bek. Especialmente, dilanti di Parlamento y Bestuurskantoor, esakinan ta mahos bista y si e no kita, e ta keda mahos bista pa hopi tempo.