Na Rancho Clemente a tuma despedida di piscado Fon

ORANJESTAD (AAN): Riba Diahuebs merdia na Rancho Clemente, e Piscadonan di Spaans Lagoen a reuni pa asina rindi respet y homenahe,

na momento di despedi di Luis Alfonso Henriquez, conoci como ‘Fon e Piscado’.

   Bandera tabata half-stok ora cu e restonan mortal di Fon a pasa eynan pa ultimo biaha, acompaña pa su famia y amistadnan.

   Fon tabata un figura cu semper tabata presente na e Rancho na Spaans Lagoen, y hopi piscado a describi’e como un ‘shon di hende’.  Nan ta hay’e di ta un baluarte di piscamento.

   Nan sigur lo bay haya falta di Luis Alfonso Henriquez.  Tur a haya chens di duna condoleer y mensahe di hopi forza na famia.

   Despues di esey, a sigui pa Misa Inmaculada Concepcion na Santa Cruz.