Un forma unico di despedi di Chica Werleman

ORANJESTAD (AAN): Na un bon papiamento, tin un dicho cu ta bisa, den bon y den malo, bo ta conoce bo hendenan.

   Esaki tabata e caso di señora Francisca ‘Chica’ Werleman. Un persona semper hopi activo pa cu su famia y pa principalmente su club di Aruba Muscle Car Club y ta pesey mes cu na momento di si enfermedad y su fayecimento, tur e miembronan tabata tey tanto pa su persona, como pa su compañero Sr. Eric Leon, kende ta fungi como President di AMCC.

   Y na e ultimo adios, e miembronan a presenta cu nan autonan y a traha un pasiyo, pa asina Chica pasa mey-mey di nan, prome cu drenta Misa, caminda, famia, amigo y conocirnan a bin rindi respet pa su ultimo adios, te despues.

   Di parti di DIARIO y e seccion di SPEEDWORLD, ta manda palabra di hopi forsa na tur cu durante cu Chica tabata entre nos, tur clase di forsa, na e momentonan dificil aki. Cu Chica sosega na paz, den reino di Dios.