Na final di e 15 minuut extra e wega RCA vs. Dakota a desempata titulando RCA como Campeon

ORANJESTAD (AAN) – Diasabra cu a pasa, esta 8 di Juli 2023, e dos teamnan di futbol RCA y NV Dakota a enfrenta otro den stadion Frans Figaroa na Noord.

            Den e prome tempo RCA a score 1-0 y na di dos tempo NV Dakota a empata. Despues di ta 1-1, 90 minuut a pasa y no tabata tin ganador, di manera cu a bay 15 minuut extra pa cada banda. Faltando menos cu un minuut RCA a score su di dos gol, cual ta esun cu a titula nan Campeon.

            E resultado aki a lanta hopi hubilo entre e hungadornan, pero mester bisa si cu NV Dakota a hunga hopi bon tambe. E wega tabata hopi preta, y e di dos lugar aki ta hopi bon gana. Ta bon pa menciona cu ademas di presencia di Minister di Deporte, durante e wega, tambe tabata tin un bishitante special cu ta e Prome Minister di nos Isla Ruman Curacao.

            Pabien di DIARIO pa ambos ekipo, y logico pa RCA como Campeon 2022-2023.