‘Na Cas di Carmen y Carlos’ ta e buki di e Festival di Buki di e aña aki

ORANJESTAD (AAN): Diasabra dia 4 di November ta bay tuma lugar apertura di e di 31 edicion di Festival di Buki pa Mucha di Biblioteca Nacional Aruba.

Durante un conferencia di prensa director di Biblioteca Astrid Britten a trece dilanti cu e meta primordial di e festival aki ta pa promocion di lesamento.

E buki di e aña aki ta ‘Na Cas di Carmen y Carlos (Thuis bij Carmen en Carlos).

E ta skirbi pa Jeroen Hoogerwerf y ta iluustra pa artista visual Vanessa Paulina. Tur dos ta participa tambe na e festival y ta bishita diferente scol pa conta

storia.

‘Na cas di Carmen y Carlos’ ta un buki na 2 idioma, Papiamento y Hulandes pa asina e

ta accesible pa hopi mucha na Aruba y quizas tambe den exterior.

Ta trata di un storia di un famia cu ta pasa un vakantie masha dushi mes. Carmen y Carlos ta

prima y primo y nan ta mustra e lesado con cos ta bay cerca nan, na cas. Jeroen Hoogerwerf y

Vanessa Paulina ta kere den stimula lesamento y ta duna tur nan aporte, talento y energia na e

Festival di Buki pa Mucha ya pa hopi aña caba.

Biblioteca ta organisa e Festival di Buki pa Mucha pa stimula tur mucha na Aruba pa lesa.

“Biblioteca ta invita tur mucha na Aruba pa bira miembro y asina lesa hopi mas buki”.

Pa stimula lesamento un poco mas, miembresia pa mucha y hoben ta completamente gratis.

Por haya e buki gratuitamente na tur libreria ora cumpra un buki pa mucha, tanten cu tin, segun Britten.