Gobierno ta dunando un man pa yuda mantene veld di Ayo

ORANJESTAD (AAN): Pa un tereno di deporte keda den su forma optimal, ta necesario pa keda mantene e nivel di tera, elimina cualkier yerba malo cu ta crece riba dje, y mas.

   Ora un tereno keda basta tempo sin ricibi mantenimento, e no ta algo cu kizas ta intencionalmente haci.  Hopi biaha esnan encarga cu e tereno, no tin suficiente boluntario ni e manpower of material pa haci e trabao.

   Uno di nan ta e veld di Ayo, cu e dianan aki, e veld tin mester di tiki cuido, y net bon cu e Plan di Accion di Mantenimento di Ministro di Deporte Gerlien Croes a wordo aplica aki.

   Cu gusto e profesionalnan di DOW, haciendo uso di un Grader di Caterpillar a bay pone man na obra pa asina nivela, y kita tur yerba cu tin riba e veld.  Resultado ta cu e veld di Ayo tey bek den optimal condicion cla pa atletanan local subi eyriba pa hunga bala.